ብሔራዊ ባንክ በሕገ-ወጥ የክሪፕቶፕ እና የP2P የገንዘብ ዝውውር ላይ ጥብቅ ማስጠንቀቂያ ሰጠ

የኢትዮጵያ ብሔራዊ ባንክ በልዩ ልዩ የዲጂታል የንግድ መድረኮች አማካኝነት የሚከናወኑ የሰው-ለሰው (P2P) የገንዘብ ዝውውሮች ሕገ-ወጥ መሆናቸውን አስታወቀ። 

ባንኩ ባወጣው መግለጫ፣ በማንኛውም የንግድ መድረክም ሆነ የክሪፕቶፕ ልውውጥ አገልግሎት ላይ በብር (Birr) የሚደረጉ የገንዘብ ግብይቶች ያለ ባንኩ ፈቃድ የተከለከሉ ናቸው ብሏል።

​እንደነዚህ ያሉት መድረኮች ለከፍተኛ የዋጋ መለዋወጥ፣ ለገንዘብ ማጭበርበር እና ለሕገ-ወጥ የገንዘብ ዝውውር (Money Laundering) የተጋለጡ በመሆናቸው ኅብረተሰቡ ጥንቃቄ እንዲያደርግም አሳስቧል። 

ባንኩ በአሁኑ ወቅት ደህንነቱ የተጠበቀ የዲጂታል ፋይናንስ ሥርዓት ለመዘርጋት ዓለም አቀፍ ተሞክሮዎችን እያጠና መሆኑን ጠቅሶ፣ ሕጋዊ ማዕቀፍ እስኪወጣ ድረስ ማንኛውም በብር የሚደረግ የክሪፕቶፕ ዝውውር በሕግ እንደሚያስጠይቅ ገልጿል።